(තිළිණි ද සිල්වා)
නව කොරෝනා වෛරසය ව්යාප්ත වෙමින් පවතින චීනයේ වූහාන් නගරයේ රැදී සිටිනුයේ ලාංකික සිසු සිසුවියන් 25ක් හෝ 30 ත් අතර පිරිසක් පමණක් යැයිද විදේශ සබඳතා අමාත්යාංශ ආරංචි මාර්ග සඳහන් කර සිටී.
වූහාන් නුවර අධ්යාපනය ලබමින් රැදී සිටින ශ්රී ලාංකික සිසු සිසුවියන් ගණන 100ක් බවත් , චීන නව අවුරුදු උදාවය සමගාමීව අධ්යාපන ආයතනයන් නිවාඩු ලබා දී ඇති බැවින් ඔවුන්ගේ වැඩි දෙනෙක් මීට සති කිහිපයකට පෙර මෙරටට පැමිණ ඇති බවද සඳහන් වේ.
ඒ අනුව දැනට වූහාන් නගරයේ රැඳී සිටිනුයේ ලාංකික සිසු සිසුවියන් 25ක් හෝ 30 ත් අතර පිරිසක් පමණක් යැයිද විදේශ සබදතා අමාත්යාංශ ආරංචි මාර්ග පෙන්වා දේ.
කෙසේ වෙතත් චීනයේ හුබේ ප්රාන්තයේ වූහාන් නගරය මූලික කරගනිමින් පැතිරෙන කොරෝනා වෛරසය සම්බන්ධයෙන් සැමවිටම චීන බලධාරීන් සමග අදහස් හුවමාරු කර ගන්නා බව විදේශ සබදතා අමාත්යාංශය කියා සිටී.
බීජිං අගනුවර පමණක් නොව වූහාන් නගරයේ බලධාරීන් සමගද සම්බන්ධ වෙමින් වෛරසය පැතිරීම සම්බන්ධයෙන් තොරතුරු සොයා බලන බවද එම අමාත්යාංශය වැඩිදුරටත් පැවසීය.
එම වෛරසය ශ්රීඝ්රයෙන් පැතිරී යන වූහාන් නගරයේ සිටින ලාංකිකයන් පිළිබද නිරන්තරයෙන් තොරතුරු ලබා ගන්නා බවත්, එම ලාංකිකයින් කඩිනමින් එම නගරයෙන් ඉවත් කර ගැනීමට කටයුතු යොදන බවත් විදේශ සබදතා අමාත්යාංශය පෙන්වා දේ. ඇති වී තිබෙන මෙම හදිසි තත්ත්වය හේතුවෙන් වුහාන් නගරයේ විශ්වවිද්යාලවල ඉගෙනුම ලබන ලංකික සිසුන් ඇතුළු ඔවුන්ගේ පවුල්වල සාමාජිකයින් 30 දෙනෙකු පමණ දැඩි දුෂ්කරතාවට පත්ව සිටින ඔවුන් තානාපති කාර්යාල බලධාරීන් වෙත ප්රකාශ කොට ඇත්තේ නිරෝගීව පසුවන තමන්ට ආහාර ඇතුළු දෛනික අවශ්යතා සපුරාගැනීමේදී ගැටලුවලට මුහුණදීමට සිදුව ඇති බවයි.
චීනයේ ශ්රී ලංකා තානාපති කාර්යාලයේ වාණිජ කටයුතු පිළිබඳ අමාත්ය උපදේශක ඇලෙක්සි ගුණසේකර මහතා කියා සිටියේ එරට සිටින කිසිඳු ශ්රී ලාංකිකයෙකුට කොරෝනා වෛරසය ආසාදනය වි නොමැති බවයි.
තවද චීනයේ පුරා විසිර සිටින සියලු සිසුන් හා ශ්රී ලාංකිකයන් පිළිබඳ තොරතුරුද, විදේශ සබඳතා අමාත්යාංශ විසින් එක් රැස් කරමින් පවතින බව ද එම අමාත්යාංශයේ ජ්යෙෂ්ඨ නිලධාරියෙක් ලංකාදීපයට පැවසීය.
එසේම චීනයේ නව සමාජ මාධ්ය ක්රියාත්මක නොවන අතර එරට බීජිං නුවර පිහිටි ශ්රී ලංකා තානාපති කාර්යාල නිලධාරීන් සහ ශ්රී ලාංකිකයන් අතර සන්නිවේදනය ‘වී චැට් ‘මාධ්ය ‘We chat ‘ භාවිතයෙන් සිදු කෙරේ.
කොරෝනා වෛරසය හේතුවෙන් මේ වන විට චීනයේ පුද්ගලයින් 56 දෙනකු මියගොස් ඇති අතර වෛරසය පැතිරීමෙන් රෝගී වුවන් ගේ සංඛ්යාව 2000කි. මිය ගිය පිරිස අතර හුබෙයි ප්රාන්ත රෝහලක වෛද්යවරයෙකුද සිටින බව විදෙස් මාධ්ය වාර්තා කළේය රටවල් ගණන 11ක්.මේ වන විට ලෝකයේම අවධානයට යොමු වි ඇති මාරාන්තික කොරෝනා වෛරසය ප්රථම වරට වාර්තා වන්නේ පසුගිය දෙසැම්බර් මස චීනයේ හුබෙයි ප්රාන්තයේ වුහාන් නගරයෙනි.
නගරයේ කරදිය මත්ස්ය වෙළඳපොලක් ආශ්රිතව මෙම රෝගින් වාර්තා වි තිබු අතර එහි කුකුලන්, වවුලන්, හාවන් සහ සර්පයන් වැනි සතුන් ද අලෙවි කෙරෙන බව වාර්තා විය.චීන සෞඛ්ය බලධාරීන් සැක කරනුයේ වවුලන්ගේ මාංශවලින් සාදන සුප් සහ සර්ප මාංශ අනුභවය මෙම වෛරසය පැතිර යාමට හේතුවක් විය හැකි බවයි.
එමෙන්ම සාමාන්ය වෛරසයක් බෝවන ආකාරයෙන්ම මිනිසාගෙන් මිනිසාට මෙම කොරෝනා වෛරසය බෝ වන බවට තහවුරු කර ගෙන තිබේ.කොරෝනා වෛරස වැළඳුණු චීන ජාතිකයින් ඇඳ වැටෙන අයුරු ඩේලි මේල් ඇතුලු විදෙස් මාධ්ය වාර්තා කර තිබුණි.
කොරෝනා වෛරසය ප්රථම වරට වාර්තා වු චීනයේ හුබෙයි පළාතේ වූහාන් ඇතුළු නගර 18 ක් මේ වන සම්පූර්ණයෙන් වසා දමා තිබේ. මේ අතර ඇමෙරිකාව, ප්රංශය, දකුණු කොරියාව, ජපානය, සිංගප්පුරුව, තායිලන්තය සහ ඔස්ට්රේලියාවෙන්ද කොරෝනා වෛරසය අසාදිත වු පුද්ගලයින් වාර්තා වි ඇත.දකුණු ආසියානු රාජ්යයකින් පළමු කොරෝනා රෝගියා වාර්තා වන්නේ නේපාලයෙන්.ඉන්දියාවේ ද කොරෝනා රෝගීන් සිටින බවට වාර්තා වුවත් මෙතෙක් එම තොරතුරු තහවුරු වී නැත.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
චීනයේ වූහාන් නගරයේ ලාංකික සිසු සිසුවියෝ 30 ක්
sunil Sunday, 26 January 2020 10:55 AM
අද ලංකාවේ සිසුන්ට පිටරටවල ගොස් මුඩුක්කු වැනි තැන්වල නැවතී දුක් විඳිමින් ඉගෙන ගන්නට සිදුවී ඇත්තේ ලංකාවේ ඔවුන්ට තෘතීය අධ්යාපන අවස්ථා නැතිබැවිනි. මේ තත්වයට ලංකාවේ තෘතීය අධ්යාපන අවස්ථා ඇති කිරීමට අකුල් හෙලන වෛද්ය සංගමය වැනි කුහක සංගම් වගකිව යුතුයි.
ranaMonday, 27 January 2020 05:26 AM
සුනිල්, ඔය සමහර අයගේ දෙමව්පියන්, දොස්තරවරුන්, අඩු ලකුණු වලින් වෛද්ය විද්යාව උගත හැකි රටක් චීනය, ලංකාව සයිටම් එක වැනි ආයතන නිසි ප්රමිතියකට සාදා නොගෙන ඒවාට විරුද්ධ වීමේ ප්රතිවිපාක නේද මේ...? මෝඩකම දරුවන්ගේ ජීවිතවලින් නේද ගෙවන්න වෙලා තියෙන්නේ?...
නන්නාදුනන හාදයා Sunday, 26 January 2020 12:30 PM
අපේ රටේ අය සර්පයන්, බල්ලන් වගේ උන්ව කන්නේ නැහැ කියලා මහා චීනාට කෙලින්ම කියලා මේ කට්ටියව නිදහස් කර ගන්න ඕනෑ.
Soma dubayi Monday, 27 January 2020 05:06 AM
හපෝ මෙහෙට ගෙන්න ගන්න එපා. ලෙඩේ බෝවෙයි.