ඉල්ලීම් වලට විසදුම් නෑ, දකුණු පළාතේ රජයේ ඖෂධවේදීන් සංකේත වර්ජනයක..
දකුණු පළාත් සියළු රෝහල් වල රජයේ ඖෂධවේදීන් විසින් එක්දින සංකේත වැඩවර්ජනයක් ආරම්භ කර ඇති බව වාර්තා වේ. තම වෘත්තීය ඉල්ලීම් කිහිපයක් මුල් කරගනිමින් රජයේ ඖෂධවේදීන්ගේ සංගමය විසින් මෙම වර්ජනය ආරම්භ කර ඇත. සිය ගැටළු සදහා විසදුම් ලබා දෙන බවට දකුණු පළාත් සභා සෞඛ්‍ය බලධාරීන් පොරොන්දු වී දිගු කලක් ගතව ඇතත් මෙතෙක් අදාළ විසදුම් ලැබී නොමැති බැවින් මෙම වෘත්තීය ක්‍රියාමාර්ලයට එළඹීමට තීරණය කළ බව ද රජයේ ඖෂධවේදීන්ගේ සංගමය වැඩිදුරටත් පවසා සිටියි.
